బాబా...
అందరి దేవుడు ఒక్కడే అన్నావు
ప్రతి ఒక్కరి గుండెలో కొలువయ్యావు
శ్రద్ధ, సబూరి రెండే మార్గాలన్నావు
రెండు పైసల దక్షిణగా వాటిని కోరావు
మూడు రోజుల పాటు శ్వాసను నిలిపావు
ముక్కోటి దేవతల ప్రతిరూపమై నిలిచావు
నాలుగు చేతులతో నా బిడ్డల కాపాడెదనన్నావు
నాలుగు వేదాల సారాన్ని నీ చేతల్లో తెలిపావు
పంచ భూతాలను నీ అధీనంలో ఉంచావు
పంచేంద్రియాలను అదుపులో ఉంచమన్నావు
అరిషడ్వర్గాలను నీకే ఇమ్మన్నావు
షడ్రుచులను మించిన ప్రేమ రుచినే చూపావు
ఏడు రోజుల్లో నీ గ్రంథం చదవమన్నావు
ఏడేడు జన్మాల కర్మలు తొలగించెదనన్నావు
అష్టాంగ యోగాలను అవలీలగా చేశావు
అష్టకష్టాల నుండి మమ్మ రక్షించెదనన్నావు
నవవిధ భక్తికి ప్రతీకగా తొమ్మిది నాణాలిచ్ఛావు
నవ జీవన సరళికి నాంది పలికావు
పది మాటలకు ఒక్క మాట జవాబిమన్నావు
పది మందితో కలిసి మెలిసి ఉండాలన్నావు
పదకొండు నీ వచనాలందించావు
పరమ భక్తితో పాటించమన్నావు
సంఖ్యలలో తెలపలేనంత ప్రేమనే పంచావు
అసంఖ్యాకుల గుండెల్లో దైవమై నిలిచావు
ఓం శ్రీ సాయిరాం
🙏🙏🙏
-తేజ
No comments:
Post a Comment