ఇంత గొప్ప, అంత గొప్ప అన్న పేరు నాకొద్దు,
అశాశ్వతమైన ఈ లోకంలో
ఇంతైనా, ఎంతో కొంతైనా ఓ మంచి పేరు కావాలి
శాశ్వతమైన నీ దర్బార్లో
ఇంత మంచి, అంత మంచి అని నా గురించి
ఎప్పుడూ చెప్పను నీతో మాటల్లో
ఇంతైనా, ఎంతో కొంతైన నాలో ఎంత మంచి ఉందో
చెప్పగలవు నీవు తూకపు లెక్కల్లో
ఇంత చేసా, అంత చేసా అని నేను
ఎన్నడూ చెప్పుకోను ఎవ్వరికీ
ఇంతైనా, ఎంతో కొంతైనా ఓ మంచి చేయగలిగే
గీతనివ్వు ఈ చేతులకి
ఇంత ఇవ్వు, అంత ఇవ్వు అని నేను
కోరను నిన్ను ఎన్నటికీ
ఇంతైనా, ఎంతో కొంతైనా ఓ చోటు మాత్రం ఇవ్వు
నీ పాదాల చెంత ఎప్పటికీ
ఓం శ్రీ సాయిరాం
🙏🙏🙏
-తేజ
No comments:
Post a Comment