నీ నుదుటిని బాబా పాదములకు ఆనించి వేడు
నీ నుదిటి రాతను ఆయన ఇట్టే మార్చేను చూడు
నీ చేతులతో బాబా సేవ చేసి వేడు
నీ చేతి గీతలను ఆయన ఇట్టే మార్చేను చూడు
నీ మనసుని బాబా పాదములకు అర్పించి వేడు
నిరంతరం నీ తోడుగా ఉండి ఆయనే నిన్ను నడిపిస్తారు చూడు
నీ నిశ్చల భక్తిని బాబా పాదముల చెంత పెట్టి వేడు
నీ కన్నీటిని ఆయన ప్రేమతో ఇట్టే తుడిచేస్తారు చూడు
నమ్మికతో బాబా పాదములను ఆశ్రయించి వేడు
నీ మనసులో ఆయన శాశ్వతంగా కొలువుండిపోతారు చూడు
ఓం శ్రీ సాయిరాం
🙏🙏🙏
-తేజ
…బాబా...
నీ పరిచయం నాకు కాకుంటే లేదు నాకు ఉనికి
నీ కరుణ నాపై లేకుంటే లేనే లేదు నాకు ఊపిరి
నీ స్మరణ నాకు లేకుంటే లేదు నాకు వర్తమానం
నీ స్ఫురణ నాకు లేకుంటే లేనే లేదు నాకు భవితవ్యం
నీ వీక్షణ నాపై లేకుంటే లేదు నాకు చైతన్యం
నీ రక్షణ నాకు లేకుంటే లేనే లేదు నాకు చలనం
నీ ప్రేమ నాపై లేకుంటే లేదు నాకు అస్తిత్వం
నీ దీవెన నాకు లేకుంటే లేనే లేదు నాకు ఆనందం
నీకై నాలో సహనం లేకుంటే లేదు నాకు జయం
నీపై నాకు నమ్మకం లేకుంటే లేనే లేదు నాకు జీవితం
ఓం శ్రీ సాయిరాం
🙏🙏🙏
-తేజ
సాయీ…
ఏ చోట నీ నామము పిలువబడుతున్నదో
ఆ చోటు అయ్యేను షిరిడి పురము
ఏ చోట నీవు మా పాపములను దహించుతుంటివో
ఆ చోటు అయ్యేను ద్వారకము
ఏ చోట నీవు ఠీవీ గా కొలువుతీరి ఉంటివో
ఆ చోటు అయ్యేను లెండీ వనము
ఏ నోట నీ నామము పలుక పడుతున్నదో
వారి కర్మ అయ్యేను శూన్యము
ఏ హృది నిరంతరం నిన్నే స్మరించుతున్నదో
వారి జన్మ అయ్యేను ధన్యము
ఓం శ్రీ సాయిరాం
🙏🙏🙏
-తేజ
సాయి... నేను పలకరించడం లేదని నువ్వు నాతో మాట్లాడటం మానేయకు సాయి...నా ప్రతి మాట మాటలో నీవే నిండి ఉండోయి నేను నిన్ను తలవడం లేదని నువ్వు నన్...
