Saturday 28 August 2021

83 సాయి రేఖలు


వెలిగే భానుని ఉదయ రేఖల కాంతిలో నా సాయి అందం మెరిసే

వెలిగే దివ్వెల జ్యోతి రేఖల కాంతిలో నా సాయి అందం విరిసె

వెలిగే కర్పూర రేఖల కాంతిలో నా సాయి అందం వెల్లివిరిసే

వెలిగే సాయి రేఖల కాంతిలో నా మదిలో ప్రేమలు విరిసే

విరిసే నా ప్రేమ రేఖల కాంతిలో నా సాయి మరీమరీ మెరిసే....

ఆ మెరుపుల వెలుగులో నా డెందము మరింత మురిసిపోయే


ఓం శ్రీ సాయిరాం

🙏🙏🙏

-తేజ

 

Thursday 26 August 2021

82 సాయి హారము

 


రారండి రారండి సాయి భక్తులారా రారండి  

రారండి రారండి సాయి బిడ్డలారా రారండి


ఆణిముత్యమంటి మన సాయికి మేలిమి ముత్యాల హారమె‌ వేద్దాము

జాతిరత్నమంటి మన సాయికి నవరత్నాల హారమె వేద్దాము

రారండి॥


చంద్రుడంటి చల్లనైన సాయికి చంద్ర హారమె వేద్దాము

కరుణ కాసుల్ని కురిపించే సాయికి కాసుల‌ హారమె వేద్దాము

రారండి॥


వెన్న వంటి మనసున్న సాయికి వెండిపూల హారమె వేద్దాము

వర్ణభేదమెరుగని మన సాయికి సువర్ణ హారమె వేద్దాము

రారండి॥


వెన్నెల వెలుగులు చిమ్మే మన సాయికి వెన్నెల హారమె వేద్దాము

పూల మారాజైన మన సాయికి పూల హారమె వేద్దాము

రారండి॥


ప్రేమ మూర్తైన మన సాయికి ప్రేమలహారమె వేద్దాము

మనసెరిగిన మన సాయికి మన మనసుల హారమె వేద్దాము


రారండి రారండి సాయి భక్తులారా రారండి  

రారండి రారండి సాయి బిడ్డలారా రారండి


ఓం శ్రీ సాయిరాం 

🙏🙏🙏

-తేజ







Tuesday 24 August 2021

81 సాయి ఉనికి

 


సాయీ...

సాయీశ జగదీశ జగదీశా

సాయీశ జగదీశ జయ జయ జగదీశా


లోకాలనేలేటి మా సాయీ

మా వెన్నంటే ఉంటూ మము కాపాడునోయి


నీ నామమెంతో మధురాతి మధురం 

అది మా పాపాల్ని తుడిచేటి మహా మంత్రం


నీ కరుణేమో మరి కురిసేటి వర్షం 

అది మా మలినాల్ని కడిగేటి పుణ్యతీర్థం


నీ స్మరణెంతో చేయాలి ప్రతి నిత్యం

అది మము కాపాడే అభయహస్తం


నీ మహిమెంతో తెలిపేది బహు కష్టం

అది మా కష్టాల్ని తొలగించును ఇది సత్యం


నీ ఉనికేమో తెలిసేను ప్రతి క్షణము

అది నింపేను మా గుండెల్లో విశ్వాసం


సాయీశ జగదీశ జగదీశా

సాయీశ జగదీశ జయ జయ జగదీశా


ఓం శ్రీ సాయిరాం

🙏🙏🙏

-తేజ



Saturday 14 August 2021

80 సాయి లాలిజో


లాలిజో లాలిజో మా సాయిజో సాయిజో

రామసాయి రామసాయి మా కృష్ణసాయి లాలిజో 

శేషసాయి శేషసాయి మా ప్రేమసాయి లాలిజో 

లాలిజో లాలిజో మా సాయిజో సాయిజో


లోకాలనేలి అలసిపోయిన మా తండ్రి సాయికి లాలిజో

ప్రేమల్ని పంచి సొలసిపోయిన మా తల్లి సాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


వెన్నముద్దలు ఆరగించిన మా కృష్ణసాయికి లాలిజో

ప్రేమముద్దలు పంచిపెట్టిన మా గురువు సాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


గోరుముద్దలు ఆరగించిన మా రామసాయికి లాలిజో

తీపిముద్దులు పంచిపెట్టిన మా దేవసాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


కరుణ వర్షం కురిపించిన మా దివ్యసాయికి లాలిజో

ప్రేమవర్షంలో తడిచిపోయిన మా భవ్యసాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


లీలలెన్నో చేసి అలిసిన మా బాబసాయికి లాలిజో

మహిమలెన్నో చూపి సొలసిన మా మధుర సాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా  ప్రేమసాయికి సాయిజో


లాలిజో లాలిజో మా సాయిజో సాయిజో

రామసాయి రామసాయి మా కృష్ణసాయి లాలిజో 

శేషసాయి శేషసాయి మా ప్రేమసాయి లాలిజో 

లాలిజో లాలిజో మా సాయిజో సాయిజో /2/


ఓం శ్రీ సాయిరాం

🙏🙏🙏

-తేజ



Friday 6 August 2021

79 సాయి పూలంగి సేవ

 


విరులెన్నో తెచ్చాను సాయీ నీ పాదాల చేర్చాను సాయీ

మాలల్ని తెచ్చాను సాయీ నీ మెడలోన వేశాను సాయీ

విరులెన్నో తెచ్చాను సాయీ నీ పాదాల చేర్చాను సాయీ


మరుమల్లెని తెచ్చాను సాయీ మాటల్ని నేర్పాను

విరజాజిని తెచ్చాను సాయీ జోలాలి నేర్పాను


సంపెంగని తెచ్చాను సాయీ గంధాన్నే తీశాను

మందారమె తెచ్చాను సాయీ మకరందమె తీశాను ‌‌‌‌

/విరులెన్నో/


పూబంతుల్ని తెచ్చాను సాయీ బాగూగ పెట్టాను

చేమంతుల్ని తెచ్చాను సాయీ నా చేతుల్తో చుట్టాను


కమలాల్ని తెచ్చాను సాయీ నీ శిరమున పెట్టాను

కలువల్ని తెచ్చాను సాయీ నీ ఒడిలోన చేర్చాను

/విరులెన్నో/


గన్నేరుని తెచ్చాను సాయీ పన్నీరులో ముంచాను

గులాబీని తెచ్చాను సాయీ గురువెవరో చూపాను


కదంబమే తెచ్చాను సాయీ నీ కంఠాన పెట్టాను

కనకాంబ్రమె తెచ్చాను సాయీ నీ కరములకు చుట్టాను

/విరులెన్నో/


పున్నాగ తెచ్చాను సాయీ సన్నాయిని నేర్పాను

రోజాల్ని తెచ్చాను సాయీ రాగాల్ని నేర్పాను


పూలతో నింపాను సాయీ నీకు పూలంగి సేవే చేశాను సాయీ

విరులెన్నో తెచ్చాను సాయీ నీ పాదాల చేర్చాను సాయీ


మాలల్ని తెచ్చాను సాయీ నీ మెడలోన వేశాను సాయీ

విరులెన్నో తెచ్చాను సాయీ నీ పాదాల చేర్చాను సాయీ


ఓం శ్రీ సాయిరాం

🙏🙏🙏

-తేజ




Wednesday 4 August 2021

78 సాయి మా సాయి

 


ఎవరయ్యా ఈ సాయి? ఏలాగ ఉంటాడు? /2/

మా వాడే ఈ సాయి..మా దేవుడీ సాయి

శశి లెక్క సల్లంగ ఉంటాడు మా సాయి


ఔనా! ఔనౌనా!

ఏ ఊరి వాడోయి? మరి ఏ సోటనుంటాడు?/2/

మా ఊరి వాడేనోయి..మా తోటే ఉంటాడు

గుళ్ళోనే కాదు మా సాయి, మా గుండెల్లోనుంటాడు


అలాగా! అలాగలాగా?

ఏమేమి సెప్తాడు మీ సాయి? మరి ఏటేటి సేత్తాడు?/2/

మంచేదో సెప్తాడు మా సాయి మాయల్ని తీత్తాడు

సిత్రాలే సేత్తాడు మా సాయి మరి సిరులెన్నో ఇత్తాడు


ఔనా! ఔనౌనా!

ఏమేమి తీత్తాడు మీ సాయి? ఏమేమి తీత్తాడు?/2/

కష్టాల్ని తీత్తాడు మా సాయి కర్మల్ని తీత్తాడు

బాధల్ని తీత్తాడు మా సాయి భారాల్ని తీత్తాడు


ఏమేమి ఇత్తాడు మీ సాయి? ఏమేమి ఇత్తాడు?/2/

కోరింది ఇత్తాడు మా రాజు మరి కోరందీ ఇత్తాడు

ప్రేమెంతో ఇత్తాడు మా సాయి ప్రాణంగా సూత్తాడు


మరి ఏమేమి అడుగేను మీ సాయి? ఏమేమి అడుగేను?

కాసింత ప్రేమా, కాసింత భక్తి...అడిగేను మా సాయి,

అడిగేను మా సాయి

ఓ పైసా శ్రద్ధా, ఓ పైసా సబూరి...అడిగేను మా సాయి,

అడిగేను మా సాయి


కమ్మంగా దొరికిండు మా సాయి కరుణానే ఇత్తాడు

వరమల్లే దొరికిండు మా సాయి వరాలే ఇత్తాడు

ఓం సాయి శ్రీ సాయి జై జై సాయి /3/


ఓం శ్రీ సాయిరాం

🙏🙏🙏

-తేజ





101 సాయి నన్ను విడువకు

  సాయి... నేను పలకరించడం లేదని నువ్వు నాతో మాట్లాడటం మానేయకు సాయి...నా ప్రతి మాట మాటలో నీవే నిండి ఉండోయి  నేను నిన్ను తలవడం లేదని నువ్వు నన్...