Thursday, 30 September 2021

88 సాయి పల్లకి

 


చూడరండి చక్కని మా సాయి పల్లకి

అది గంధ పరిమళాల పూలపల్లకి

 

ఎక్కినారు మా సాయి పూలపల్లకి 

అది పూల పూత పూసిన భక్తి పల్లకి


ఎత్తరండి మా సాయి భక్తి పల్లకి

అది భక్తి రేణువులద్దిన ప్రేమ పల్లకి


తిప్పరండి మా సాయి ప్రేమ పల్లకి

అది ఈ హృది నుండి ఆ హృదిలోనికి


తిప్పరండి మా సాయి హృది పల్లకి

అది ఈ భువి నుండి ఆ దివి లోనికి


చూడరండి మా సాయి చిరునవ్వుల పల్లకి

అది నవ్వులద్దిన ఆనందాల పల్లకి


చూడరండి చక్కని మా సాయి పల్లకి

అది ప్రేమ వాసనలద్దిన పూల పల్లకి 


పెట్టరండి గోరుముద్దల్ని మా చిన్ని సాయికి

తీయరండి దిష్టిని మా చక్కని సాయికి


ఓం శ్రీ సాయిరాం

🙏🙏🙏

-తేజ




Thursday, 16 September 2021

87 సాయి బాలసాయి

 

సాయీ...


తొలి సంధ్య వేళ బాల భానుని కాంతి నీది

మలి సంధ్య వేళ బాల చంద్రుని వెన్నెల నీది


తొలి పూజలందుకొనే బాల గణేశుని తత్వం నీది

అన్ని వేళలా కాపాడే బాలమురుగన్ మనసు నీది


పగటి వేళ  బాలరాముని తేజము నీది

రాత్రివేళ బాలకృష్ణుని అందము నీది


సర్వవేళలా బాల త్రిపురసుందరి శక్తి నీది

ఆర్తితో పిలిచిన వేళ బాల హనుమ రక్షణ నీది


సర్వకాల సర్వావస్థల యందు శరణాగతి చేసిన వారికి

సాయమందించే మా ముద్దుల బాలసాయివి నువ్వు


ఓం శ్రీ సాయిరాం

🙏🙏🙏

-తేజ

Tuesday, 14 September 2021

86 సాయి దివ్య పాదము


సాయీ... 

వెతలను తీర్చే మహిమాన్వితమైన

నీ దివ్య పాదాలను నన్ను అంటనివ్వు


ఎద మాటున దాగిన వ్యధలన్నింటినీ కధలుగా 

నీ పాదాలకు చెప్పుకోనివ్వు


ఆనకట్ట కట్టి ఆపిన కన్నీళ్లను బయటకు తీసి 

నీ పాదాలను కడగనివ్వు


మధురాతి మధురమైన నీ పదముల అమృతాన్ని

ప్రియమారా తాగనివ్వు 


పరమ పవిత్రమైన నీ పాద ధూళిలో 

నన్ను మైమరచి ఆటలాడనివ్వు 


జ్ఞాన గంధముతో విరాజిల్లు నీ పాద పుష్పముల

మకరందాన్ని నన్ను మనసారా  గ్రోలనివ్వు


ఓం శ్రీ సాయిరాం 

🙏🙏🙏

-తేజ

85 సాయి వందనం

 

సాయీ...

ఇక్కడ కాదు, అక్కడ కాదు ఎన్నెన్ని మందిరాల్లో 

నీవు కొలువై ఉన్నావో అన్నింటికీ నా వందనం


ఒకటి కాదు, రెండు కాదు ఎన్నెన్ని చిత్రపటాలలో 

నీవు కొలువై ఉన్నావో అన్నింటికీ నా వందనం


ఇందు కాదు, అందు కాదు ఎందెందు విగ్రహాలలో 

నీవు కొలువై ఉన్నావో అన్నింటికీ నా వందనం


ఒకటి కాదు, రెండు కాదు ఎన్నెన్ని ప్రాణుల్లో 

నీవు కొలువై ఉన్నావో అన్నింటికీ నా వందనం


వీరు కాదు, వారు కాదు ఎవరెవరి హృదయాలలో 

నీవు కొలువై ఉన్నావో వారందరికీ నా వందనం


నా ఆత్మలో కాదు, అంతరాత్మలో కాదు నా అణువణువునా

కొలువై ఉన్న నీకు నా ప్రేమ పూర్వక వందనం


ఓం శ్రీ సాయిరాం

🙏🙏🙏

-తేజ

Wednesday, 1 September 2021

84 సాయి హృది

 


సాయి బంధువులారా!

మన హృది పీఠం పై  సాయిని గురువుగ నిలపుదాం...

వారే మన జీవితానికి మార్గదర్శకమై నిలిచేను


మన హృది సింహాసనంపై సాయిని మహరాజుగ నిలపుదాం...

వారే మన ఇంద్రియాలను ఓడించేను


మన హృది భాండాగారంలో సాయిని అక్షయపాత్రగా నిలపుదాం...

వారే మనకి ఎన్నటికీ తరగని సంపదగా నిలిచేను


మన హృది మంజూషంలో సాయిని అమూల్య రత్నంగా నిలపుదాం...

వారే మన తరతరాలకు వారసత్వంగా నిలిచేను


మన హృది గదిలో సాయిని వైద్యునిగా నిలపుదాం...

వారే మన ఆది వ్యాధులకు చికిత్స చేసేను


మన హృది మందిరంలో సాయిని దైవంగా నిలపుదాం...

ఎనలేని ప్రేమను వారి నుండే వరంగా పొందుదాం


ఓం శ్రీ సాయిరాం

🙏🙏🙏

-తేజ

Saturday, 28 August 2021

83 సాయి రేఖలు


వెలిగే భానుని ఉదయ రేఖల కాంతిలో నా సాయి అందం మెరిసే

వెలిగే దివ్వెల జ్యోతి రేఖల కాంతిలో నా సాయి అందం విరిసె

వెలిగే కర్పూర రేఖల కాంతిలో నా సాయి అందం వెల్లివిరిసే

వెలిగే సాయి రేఖల కాంతిలో నా మదిలో ప్రేమలు విరిసే

విరిసే నా ప్రేమ రేఖల కాంతిలో నా సాయి మరీమరీ మెరిసే....

ఆ మెరుపుల వెలుగులో నా డెందము మరింత మురిసిపోయే


ఓం శ్రీ సాయిరాం

🙏🙏🙏

-తేజ

 

Thursday, 26 August 2021

82 సాయి హారము

 


రారండి రారండి సాయి భక్తులారా రారండి  

రారండి రారండి సాయి బిడ్డలారా రారండి


ఆణిముత్యమంటి మన సాయికి మేలిమి ముత్యాల హారమె‌ వేద్దాము

జాతిరత్నమంటి మన సాయికి నవరత్నాల హారమె వేద్దాము

రారండి॥


చంద్రుడంటి చల్లనైన సాయికి చంద్ర హారమె వేద్దాము

కరుణ కాసుల్ని కురిపించే సాయికి కాసుల‌ హారమె వేద్దాము

రారండి॥


వెన్న వంటి మనసున్న సాయికి వెండిపూల హారమె వేద్దాము

వర్ణభేదమెరుగని మన సాయికి సువర్ణ హారమె వేద్దాము

రారండి॥


వెన్నెల వెలుగులు చిమ్మే మన సాయికి వెన్నెల హారమె వేద్దాము

పూల మారాజైన మన సాయికి పూల హారమె వేద్దాము

రారండి॥


ప్రేమ మూర్తైన మన సాయికి ప్రేమలహారమె వేద్దాము

మనసెరిగిన మన సాయికి మన మనసుల హారమె వేద్దాము


రారండి రారండి సాయి భక్తులారా రారండి  

రారండి రారండి సాయి బిడ్డలారా రారండి


ఓం శ్రీ సాయిరాం 

🙏🙏🙏

-తేజ







Tuesday, 24 August 2021

81 సాయి ఉనికి

 


సాయీ...

సాయీశ జగదీశ జగదీశా

సాయీశ జగదీశ జయ జయ జగదీశా


లోకాలనేలేటి మా సాయీ

మా వెన్నంటే ఉంటూ మము కాపాడునోయి


నీ నామమెంతో మధురాతి మధురం 

అది మా పాపాల్ని తుడిచేటి మహా మంత్రం


నీ కరుణేమో మరి కురిసేటి వర్షం 

అది మా మలినాల్ని కడిగేటి పుణ్యతీర్థం


నీ స్మరణెంతో చేయాలి ప్రతి నిత్యం

అది మము కాపాడే అభయహస్తం


నీ మహిమెంతో తెలిపేది బహు కష్టం

అది మా కష్టాల్ని తొలగించును ఇది సత్యం


నీ ఉనికేమో తెలిసేను ప్రతి క్షణము

అది నింపేను మా గుండెల్లో విశ్వాసం


సాయీశ జగదీశ జగదీశా

సాయీశ జగదీశ జయ జయ జగదీశా


ఓం శ్రీ సాయిరాం

🙏🙏🙏

-తేజ



Saturday, 14 August 2021

80 సాయి లాలిజో


లాలిజో లాలిజో మా సాయిజో సాయిజో

రామసాయి రామసాయి మా కృష్ణసాయి లాలిజో 

శేషసాయి శేషసాయి మా ప్రేమసాయి లాలిజో 

లాలిజో లాలిజో మా సాయిజో సాయిజో


లోకాలనేలి అలసిపోయిన మా తండ్రి సాయికి లాలిజో

ప్రేమల్ని పంచి సొలసిపోయిన మా తల్లి సాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


వెన్నముద్దలు ఆరగించిన మా కృష్ణసాయికి లాలిజో

ప్రేమముద్దలు పంచిపెట్టిన మా గురువు సాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


గోరుముద్దలు ఆరగించిన మా రామసాయికి లాలిజో

తీపిముద్దులు పంచిపెట్టిన మా దేవసాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


కరుణ వర్షం కురిపించిన మా దివ్యసాయికి లాలిజో

ప్రేమవర్షంలో తడిచిపోయిన మా భవ్యసాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా ప్రేమసాయికి సాయిజో


లీలలెన్నో చేసి అలిసిన మా బాబసాయికి లాలిజో

మహిమలెన్నో చూపి సొలసిన మా మధుర సాయికి లాలిజో

లాలిజో లాలిజో మా ప్రేమసాయికి లాలిజో

సాయిజో సాయిజో మా  ప్రేమసాయికి సాయిజో


లాలిజో లాలిజో మా సాయిజో సాయిజో

రామసాయి రామసాయి మా కృష్ణసాయి లాలిజో 

శేషసాయి శేషసాయి మా ప్రేమసాయి లాలిజో 

లాలిజో లాలిజో మా సాయిజో సాయిజో /2/


ఓం శ్రీ సాయిరాం

🙏🙏🙏

-తేజ



Friday, 6 August 2021

79 సాయి పూలంగి సేవ

 


విరులెన్నో తెచ్చాను సాయీ నీ పాదాల చేర్చాను సాయీ

మాలల్ని తెచ్చాను సాయీ నీ మెడలోన వేశాను సాయీ

విరులెన్నో తెచ్చాను సాయీ నీ పాదాల చేర్చాను సాయీ


మరుమల్లెని తెచ్చాను సాయీ మాటల్ని నేర్పాను

విరజాజిని తెచ్చాను సాయీ జోలాలి నేర్పాను


సంపెంగని తెచ్చాను సాయీ గంధాన్నే తీశాను

మందారమె తెచ్చాను సాయీ మకరందమె తీశాను ‌‌‌‌

/విరులెన్నో/


పూబంతుల్ని తెచ్చాను సాయీ బాగూగ పెట్టాను

చేమంతుల్ని తెచ్చాను సాయీ నా చేతుల్తో చుట్టాను


కమలాల్ని తెచ్చాను సాయీ నీ శిరమున పెట్టాను

కలువల్ని తెచ్చాను సాయీ నీ ఒడిలోన చేర్చాను

/విరులెన్నో/


గన్నేరుని తెచ్చాను సాయీ పన్నీరులో ముంచాను

గులాబీని తెచ్చాను సాయీ గురువెవరో చూపాను


కదంబమే తెచ్చాను సాయీ నీ కంఠాన పెట్టాను

కనకాంబ్రమె తెచ్చాను సాయీ నీ కరములకు చుట్టాను

/విరులెన్నో/


పున్నాగ తెచ్చాను సాయీ సన్నాయిని నేర్పాను

రోజాల్ని తెచ్చాను సాయీ రాగాల్ని నేర్పాను


పూలతో నింపాను సాయీ నీకు పూలంగి సేవే చేస్తాను సాయీ

విరులెన్నో తెచ్చాను సాయీ నీ పాదాల చేర్చాను సాయీ


మాలల్ని తెచ్చాను సాయీ నీ మెడలోన వేశాను సాయీ

విరులెన్నో తెచ్చాను సాయీ నీ పాదాల చేర్చాను సాయీ


ఓం శ్రీ సాయిరాం

🙏🙏🙏

-తేజ




88 సాయి పల్లకి

  చూడరండి చక్కని మా సాయి పల్లకి అది గంధ పరిమళాల పూలపల్లకి   ఎక్కినారు మా సాయి పూలపల్లకి  అది పూల పూత పూసిన భక్తి పల్లకి ఎత్తరండి మా సాయి భక్...