Tuesday, 14 September 2021

86 సాయి దివ్య పాదము


సాయీ... 

వెతలను తీర్చే మహిమాన్వితమైన

నీ దివ్య పాదాలను నన్ను అంటనివ్వు


ఎద మాటున దాగిన వ్యధలన్నింటినీ కధలుగా 

నీ పాదాలకు చెప్పుకోనివ్వు


ఆనకట్ట కట్టి ఆపిన కన్నీళ్లను బయటకు తీసి 

నీ పాదాలను కడగనివ్వు


మధురాతి మధురమైన నీ పదముల అమృతాన్ని

ప్రియమారా తాగనివ్వు 


పరమ పవిత్రమైన నీ పాద ధూళిలో 

నన్ను మైమరచి ఆటలాడనివ్వు 


జ్ఞాన గంధముతో విరాజిల్లు నీ పాద పుష్పముల

మకరందాన్ని నన్ను మనసారా  గ్రోలనివ్వు


ఓం శ్రీ సాయిరాం 

🙏🙏🙏

-తేజ

2 comments:

87 సాయి బాలసాయి

  సాయీ... తొలి సంధ్య వేళ బాల భానుని కాంతి నీది మలి సంధ్య వేళ బాల చంద్రుని వెన్నెల నీది తొలి పూజలందుకొనే బాల గణేశుని తత్వం నీది అన్ని వేళలా క...