సాయీ...
కరుణ నీ ఇంటి పేరా?
ప్రేమ నీ మారుపేరా?
లేక ఓరిమి నీ ముద్దు పేరా?
లేకుంటే మాపై ఇంకనూ నీ దయకు కారణమేమి?
మా తప్పొప్పుల చిట్టాల చుట్టలు విప్పగా...
అన్నీ మా తప్పుల గుట్టలే
మాటిచ్చి మేమ తీర్చకుంటిమి,
మరపుతో కొన్ని, మదముతో మరికొన్ని
నీ మాటల్ని మేము మీరమంటూనే తప్పుచుంటిమి
వాడుకలో కొన్ని, వగరుచు మరికొన్ని
మాటిమాటికి నీ శాసనాలు దాటుచుంటిమి
విషయ లోలత్వముతో కొన్ని, ప్రేమ లాలిత్యములో మరికొన్ని
విషయవాంఛలు ఓ చేయి పట్టి లాగుతుంటే
కర్మ బంధాలు మరో చేయి పట్టి లాగుతుంటే
దిక్కు తోచక, దయ చూపమంటూ.. నీ ముందు మోకరిల్లుచుంటిమి
అయినా నీవు మాపై కరుణిస్తుంటివి
ఇప్పుడు చెప్పగలను ఖచ్చితంగా
"క్షమే" నీ అసలు పేరని
మరి నన్నింత దగ్గరగా నీ గుండెల్లో పెట్టుకున్నావుగా
అందుకే నాకు బాగా తెలుసు
ఓం శ్రీ సాయిరాం
🙏🙏🙏
-తేజ
No comments:
Post a Comment