సాయీ...
వెన్న వంటి నీ మనసుతో కొసరి కొసరి అందించేవు రెండు
ప్రేమ ఒకటి, కరుణ ఒకటి
వేదన నిండిన హృదయాలకు వెల్లువలా అందించేవు రెండు
దీవెనొకటి, ధైర్యమొకటి
నమ్మి కొలిచిన వారికి విరివిగా అందించేవు రెండు
ఆనందమొకటి, అనురాగమొకటి
నీ నామ స్మరణ చేసే వారికి తక్షణమే అందించేవు రెండు
రక్షణ ఒకటి, నీ వీక్షణ ఒకటి
నీ బిడ్డలందరికి గురుమంత్రాలు అందించేవు రెండు
శ్రద్ధ ఒకటి, సబూరి ఒకటి
బదులుగ కోరేవు రెండు
గర్వమన్న భిక్ష ఒకటి, క్రోధమన్న దక్షిణొకటి
బదులుగ మేమివ్వగలిగినవి రెండు
నీ స్మరణమొకటి, నీ స్ఫురణ ఒకటి
ఓం శ్రీ సాయిరాం
🙏🙏🙏
-తేజ
No comments:
Post a Comment