సాయీ...
విడువకు విడువకు నన్నెప్పటికీ...
మరువకు మరువకు నన్నెటికి...
ఏ సెకనులోనో నేను విడిచానని,
నువ్వు నా చేయి విడువకు పొరపాటునైనా,
గట్టిగా పట్టి ఉంచు ఈ చేతిని ...ఈ జన్మ వరకే కాదు
రాబోవు ఎన్నెన్ని జన్మల వరకైనా
ఏ ధ్యాసలోనో నేను నిన్ను మరిచానని,
నువ్వు నన్ను మరువకు క్షణకాలమైనా,
గట్టిగా గుర్తు పెట్టుకో ఈ బిడ్డని...ఈ జన్మ వరకే కాదు
రాబోవు ఎన్నెన్ని జన్మల వరకైనా
ఏ స్పృహలోనో విడిచేస్తే నేను ఈ జన్మను,
నువ్వూ నన్ను విడిచేయకు అలా అలవోకగా,
గట్టిగా గుర్తుంచుకో ఈ మాటని...
"నీ స్పృహ లేని మరోజన్మ నాకెన్నటికీ వద్దని"
విడువకు విడువకు నన్నెప్పటికీ...
మరువకు మరువకు నన్నెటికి...
నా వంటి బిడ్డలు నీకు కోకొల్లలు ఉండొచ్చు కానీ...
నీ వంటి తండ్రి నాకు నువ్వు ఒక్కడివే...
నువ్వు ఒక్కడివే సాయీ....
ఓం శ్రీ సాయిరాం
🙏🙏🙏
-తేజ
No comments:
Post a Comment