సాయీ...
ఇచ్చోట తిరిగాను, అచ్చోట తిరిగాను
ఎచ్చటెచ్చటో తిరిగాను..ఓ మంచి జాగా నీకై వెతికాను
నీరుంది, నారుంది నీ కోసమింత ప్రేముంది
వేడుంది, వాయుంది నీ కోసమింత తలపుంది
దేహమన్న పేరుంది, మరి దాహమన్న వ్యాధీ ఉంది
కానీ జగమెరిగిన వైద్యుడివి నీవే వచ్చి ఉంటే ఇక వేరే దిగులేముంది??
ఇచ్చోట వెతికాను, అచ్చోట వెతికాను
మళ్ళీ ఈ దేహమంతా వెతికాను...ఓ మంచి గది నీకై వెతికాను
రెప్పల తలుపులున్న కన్నుల్లో అనుకొంటిని,
కానీ ఆ కన్నీటితో తిప్పలు నీకేల?
రెక్కలల్లే ఉన్నా ఎగరలేని రెండు చేతుల గూటిలో అనుకొంటిని,
కానీ చేజారిపోతే ఎలా?
అందుకే మందిరమంటి ఓ మనసు గదిని చూశా
అహమన్న తలుపులు తీసేశా, స్మరణన్న పీఠమేశా
శ్వాసన్న ధూపమేశా, వాక్కులన్న నైవేద్యం పరిచా
కానీ...
పేరుకు ఆత్మజ్యోతి ఉన్నా జ్ఞానజ్యోతిని వెలిగించాలి నువ్వే
పేరుకున్న జన్మజన్మాల ధూళిని తొలగించాలి నువ్వే
నిండైన నా మన్మందిరంలో శాశ్వతంగా ఉండిపోవాలి...
నువ్వే..నువ్వే..నా నువ్వే
ఓం శ్రీ సాయిరాం
🙏🙏🙏
-తేజ
No comments:
Post a Comment