నా అజ్ఞానపు చీకట్లు చూపుతున్నాయి
నా పూర్వపు దుస్థితి ఏదో ఉందని
నీ పాదముల చెంత చేరిన నా ఈ స్థితి చూపుతోంది
నా పూర్వపు భాగ్యం కూడా ఏదో ఉందని
నా హృద్గదిలో కలిగే అలజడి చెప్తోంది
నా పూర్వకర్మల భారమెంతో ఉందని
నీ చరితామృతం గ్రోలిన తర్వాత తెలిసింది
నా పూర్వపు పుణ్యం కూడా ఎంతో ఉందని
నా దారిలో ఎదురయ్యే సంకట కంటకాల గని చెప్తోంది
నా పూర్వపు కాఠిన్యమేదో ఉందని
నీ కారుణ్యపు నౌకను ఎక్కాక తెలిసింది
నా పూర్వపు మంచితనం కూడా ఏదో ఉందని
నీ దీవెనలే రక్షణ కవచాలై నాకు చెప్తున్నాయి
నా వెన్నంటే నువ్వున్నావని,
నన్ను నడిపిస్తున్నావని....
నీవెంతో కరుణామయుడవని
ఓం శ్రీ సాయిరాం 🙏🙏🙏
-తేజ
No comments:
Post a Comment