Wednesday 7 April 2021

60 సాయి మహిమ

 


మంచి ముత్యాల ఆభరణం వన్నె కోల్పోయె

మేలిమి బంగారు ఆభరణం వెలవెలపోయె

నా సాయి ధరించిన క్షమ అన్న ఆభరణం ముందర


పట్టు వస్త్రముల విలువ చిన్నబోయె

పూల దండలన్నీ మూగబోయె

నా సాయి ధరించిన దయ అన్న వస్త్రం ముందర


అగరు ధూపాల సువాసనలు గాలిలో కలిసిపోయె

అత్తరు ఘుమఘుమలు కూడా చిన్నబోయె

నా సాయి వెదజల్లే తీయని ప్రేమ ముందర


నేను నేనన్న అహంకారము చిన్నబోయె 

నాదినీదన్న ద్వంద్వము ఏకమైపోయె

నా సాయి చూపించే చల్లని చూపు ముందర


జన్మ జన్మల కర్మ ఫలం ఊడిపోయె

జననమరణ చక్రం ఇరుసు విరిగిపోయె

నా సాయి కురిపించే అవ్యాజ కరుణ ముందర 


ఓం శ్రీ సాయిరాం 

🙏🙏🙏

-తేజ






2 comments:

  1. Om Sairam!

    Wonderful bhavam and kavitvam! Very nicely captured Baba's upadesams.

    ReplyDelete

101 సాయి నన్ను విడువకు

  సాయి... నేను పలకరించడం లేదని నువ్వు నాతో మాట్లాడటం మానేయకు సాయి...నా ప్రతి మాట మాటలో నీవే నిండి ఉండోయి  నేను నిన్ను తలవడం లేదని నువ్వు నన్...